कै. बिहारी लालबिगे यांच्या निधनानंतर उपमुख्यमंत्री सुनेत्रावहिनी पवार यांची कुटुंबीयांना धीर देणारी भेट
संपादक: सुरज देवकाते
बारामती : (दि:२४) : माजी उपनगराध्यक्ष संजय लालबिगे यांचे वडील कै. बिहारी लालबिगे यांचे मागील महिन्यात वृद्धापकाळाने निधन झाले होते. त्यांच्या निधनामुळे लालबिगे कुटुंबीयांवर दुःखाचा डोंगर कोसळला असून, महाराष्ट्र राज्याच्या उपमुख्यमंत्री श्रीमती सुनेत्रावहिनी अजितदादा पवार यांनी रविवार दि. २५ रोजी संजय लालबिगे यांच्या निवासस्थानी जाऊन कुटुंबीयांची भेट घेत सांत्वन केले.
यावेळी उपमुख्यमंत्री सुनेत्रावहिनी पवार यांनी कै. बिहारी लालबिगे यांच्या प्रतिमेस पुष्प अर्पण करून आदरांजली वाहिली. तसेच संजय लालबिगे व त्यांच्या कुटुंबीयांची विचारपूस करत दुःखात सहभागी होत त्यांना धीर दिला. “या कठीण प्रसंगी आम्ही आपल्या कुटुंबासोबत आहोत,” अशा शब्दांत त्यांनी भावना व्यक्त केल्या. कै. बिहारी लालबिगे हे सामाजिक व सर्वसामान्यांमध्ये आपुलकीचे व्यक्तिमत्त्व म्हणून ओळखले जात होते. त्यांच्या निधनामुळे परिसरात हळहळ व्यक्त होत आहे. उपमुख्यमंत्री सुनेत्रावहिनी पवार यांच्या भेटीमुळे लालबिगे कुटुंबीयांना मोठा आधार मिळाल्याची भावना उपस्थितांनी व्यक्त केली.
या प्रसंगी स्थानिक पदाधिकारी, कार्यकर्ते, नातेवाईक तसेच परिसरातील नागरिक मोठ्या संख्येने उपस्थित होते.
✍🏻मुख्य संपादक – सुरज देवकाते
