मुख्यमंत्री सहाय्यता निधी, धर्मादाय रुग्णालय मदत कक्ष व सार्वजनिक गणेशोत्सव मंडळाच्या समन्वयातून उपक्रम; नागरिकांना आरोग्य तपासणीचा लाभ घेण्याचे आवाहन
संपादक : सुरज देवकाते
बारामती : श्री काशिविश्वेश्वर तरुण मंडळ, कसबा–बारामती यांच्या वतीने मुख्यमंत्री सहाय्यता निधी व धर्मादाय रुग्णालय मदत कक्ष तसेच सार्वजनिक गणेशोत्सव मंडळ यांच्या समन्वयाने ‘श्रीगणेशा आरोग्याचा’ आरोग्य अभियान–२०२६ अंतर्गत सामुदायिक आरोग्य तपासणी शिबिराचे आयोजन करण्यात आले.
या अभियानाचा कालावधी १४ सप्टेंबर ते २५ सप्टेंबर २०२६ असा आहे. त्याअंतर्गत दि. २२ सप्टेंबर रोजी सकाळी ११ ते दुपारी १ वाजेपर्यंत कसबा–बारामती येथील श्री गणेश मंदिर, छत्रपती श्री शिवाजी महाराज उद्यान येथे सामुदायिक आरोग्य तपासणी शिबिर पार पडले. स्व. अजित (दादा) पवार शासकीय आयुर्वेद रुग्णालय, बारामती यांच्या वतीने आयोजित या शिबिरामध्ये नागरिकांच्या आरोग्याची तपासणी करण्यात आली. आरोग्यविषयक समस्या, आजारांचे प्राथमिक निदान तसेच आवश्यक आरोग्य मार्गदर्शन नागरिकांना मिळावे, या उद्देशाने या उपक्रमाचे आयोजन करण्यात आले. गणेशोत्सवाच्या काळात धार्मिक उपक्रमांसोबतच सामाजिक व आरोग्यविषयक उपक्रम राबविण्याचा मंडळाचा हा प्रयत्न असल्याचे आयोजकांनी सांगितले. परिसरातील नागरिकांनी या आरोग्य अभियानाचा लाभ घ्यावा, असे आवाहन श्री काशिविश्वेश्वर तरुण मंडळ, कसबा–बारामती यांच्या वतीने करण्यात आले.
—————————–
गणेशोत्सवातून आरोग्यसेवेचा जागर
गणेशोत्सव हा केवळ धार्मिक उत्सव न राहता सामाजिक बांधिलकी जपणारा उत्सव ठरावा, या उद्देशाने श्री काशिविश्वेश्वर तरुण मंडळाच्या वतीने आरोग्य तपासणी शिबिराचे आयोजन करण्यात आले. ‘श्रीगणेश आरोग्याचा’ अभियानाच्या माध्यमातून नागरिकांच्या आरोग्याबाबत जनजागृती करण्याचा प्रयत्न करण्यात आला.
✍🏻मुख्य संपादक – सुरज देवकाते
