नगरसेवक सोमनाथ गजाकस यांच्या “आई” निवासस्थानी जाऊन घेतली भेट; जुन्या आठवणींना दिला उजाळा.
संपादक: सुरज देवकाते
बारामती : (दि:२४) : नगरसेवक सोमनाथ गजाकस यांच्या मातोश्री, माजी पंचायत समिती सदस्या तसेच दूध संघाच्या माजी संचालिका यांच्या दुःखद निधनामुळे बारामती परिसरात हळहळ व्यक्त होत आहे. महाराष्ट्र राज्याच्या उपमुख्यमंत्री सुनेत्रा अजितदादा पवार यांच्यासह राजेंद्र पवार,सौ शर्मिलाताई पवार, युगेंद्र पवार यानी नगरसेवक सोमनाथ गजाकस याची भेट घेऊन सांत्वन केले
यांनी आज “आई निवासस्थान गजाकस इस्टेट ” या निवासस्थानी जाऊन गजाकस कुटुंबीयांची भेट घेत त्यांच्या दुःखात सहभागी होत सांत्वन केले.
यावेळी सुनेत्रा पवार यांनी दिवंगत व्यक्तीच्या सामाजिक, सहकार आणि राजकीय क्षेत्रातील कार्याचा उल्लेख करत त्यांना भावपूर्ण श्रद्धांजली अर्पण केली. गजाकस कुटुंबीय आणि पवार कुटुंब यांचे अनेक वर्षांपासून जिव्हाळ्याचे संबंध असून, जुन्या आठवणींना उजाळा देत त्यांनी कुटुंबीयांशी आत्मीयतेने संवाद साधला. दिवंगत माजी पंचायत समिती सदस्या यांनी ग्रामीण भागातील महिलांच्या प्रश्नांसाठी तसेच सहकार क्षेत्रात उल्लेखनीय योगदान दिले होते. दूध संघाच्या संचालिका म्हणून काम करताना त्यांनी अनेक सामाजिक उपक्रमांमध्ये सक्रिय सहभाग घेतला होता. त्यांच्या निधनामुळे परिसरातील सामाजिक व राजकीय क्षेत्रात शोककळा पसरली आहे.
सुनेत्रा पवार यांनी गजाकस कुटुंबीयांना धीर देत, “या दुःखद प्रसंगात आम्ही सर्वजण तुमच्या सोबत आहोत,” अशा भावना व्यक्त केल्या. यावेळी उपस्थित कार्यकर्ते, पदाधिकारी तसेच नागरिकांनीही दिवंगत व्यक्तीस श्रद्धांजली अर्पण केली.
✍🏻मुख्य संपादक – सुरज देवकाते
