दिवंगत अजितदादा पवार यांच्या प्रतिमेस पुष्पहार अर्पण करून उपक्रमाची सुरुवात; विद्यार्थ्यांना शैक्षणिक साहित्याचे वाटप
संपादक : सुरज देवकाते
बारामती : गणेशोत्सवाच्या काळात उत्सवाचा खर्च केवळ मनोरंजनावर न करता त्यातून सामाजिक बांधिलकी जपण्याचा आदर्श होलार समाज युवा प्रतिष्ठान व SK GROUP यांच्या वतीने घालून देण्यात आला. डीजेवरील खर्च टाळून त्या रकमेतून बारामती नगरपरिषद शाळा क्रमांक १ मधील विद्यार्थ्यांना वह्यांचे वाटप करण्यात आले. कार्यक्रमाच्या प्रारंभी दिवंगत उपमुख्यमंत्री अजितदादा पवार यांच्या प्रतिमेस पुष्पहार अर्पण करून कार्यक्रमाची सुरुवात करण्यात आली. यावेळी उपस्थित मान्यवरांनी विद्यार्थ्यांना शैक्षणिक साहित्याचे वाटप केले.
गणेशोत्सव हा केवळ धार्मिक उत्सव न राहता सामाजिक बांधिलकी जपणारा उत्सव ठरावा, या उद्देशाने या उपक्रमाचे आयोजन करण्यात आले. उत्सवामध्ये डीजेचा खर्च टाळून त्याऐवजी विद्यार्थ्यांच्या शैक्षणिक गरजा लक्षात घेऊन वह्यांचे वाटप करण्याचा निर्णय घेण्यात आला. या उपक्रमामुळे विद्यार्थ्यांना शैक्षणिक साहित्याची मदत मिळाली असून, त्यांच्या शिक्षणाला प्रोत्साहन मिळणार आहे.
या कार्यक्रमास नगरसेवक गोरख पारसे, पत्रकार अनिल सावळे पाटील, सामाजिक कार्यकर्ते अभिजीत काळे, पत्रकार सुरज देवकाते यांच्यासह विविध मान्यवर उपस्थित होते.
या सामाजिक उपक्रमासाठी होलार समाज युवा प्रतिष्ठान व SK GROUP च्या वतीने बालाजी गुळवे, आर्यन गोरे, वीर काळे, ओंकार गोरे, प्रथमेश जाधव, सुजल गुळवे, राहुल गुळवे आणि गणेश गोरे यांनी पुढाकार घेतला. गणेशोत्सवातील डीजेचा खर्च टाळून तोच निधी विद्यार्थ्यांच्या शैक्षणिक साहित्याकरिता वापरण्याचा निर्णय घेतल्याबद्दल आयोजकांचे उपस्थित मान्यवरांनी कौतुक व अभिनंदन केले. उत्सवाच्या माध्यमातून सामाजिक उपक्रम राबवून विद्यार्थ्यांच्या शिक्षणासाठी हातभार लावण्याचा हा उपक्रम इतर गणेश मंडळांसाठीही प्रेरणादायी असल्याचे यावेळी उपस्थितांनी नमूद केले.
✍🏻मुख्य संपादक – सुरज देवकाते
