संपादक : सुरज देवकाते
बारामती (प्रतिनिधी) : समाजप्रबोधन, समता आणि श्रमिकांच्या हक्कांसाठी आयुष्यभर लेखणी व शाहिरीच्या माध्यमातून लढा देणारे साहित्यरत्न लोकशाहीर अण्णाभाऊ साठे यांच्या जयंतीनिमित्त पिंकीताई मोरे युवा मंचाच्या वतीने बारामती येथे सामाजिक बांधिलकी जपणारा कार्यक्रम उत्साहात पार पडला. अण्णाभाऊ साठे यांच्या प्रतिमेचे पूजन करून पुष्पहार अर्पण करण्यात आला तसेच त्यांच्या कार्याला विनम्र अभिवादन करण्यात आले.
कार्यक्रमात बारामतीचे नगराध्यक्ष सचिन सातव आणि भाजपचे नेते अविनाश दादा मोटे यांच्या हस्ते प्रतिमेचे पूजन करण्यात आले. यावेळी अण्णाभाऊ साठे यांच्या विचारांचा वारसा जपत समाजहिताचे उपक्रम सातत्याने राबविण्याचा निर्धार व्यक्त करण्यात आला.
जयंतीनिमित्त आयोजित विशेष उपक्रमात बारामती नगरपरिषदेतील महिला कर्मचाऱ्यांना साड्यांचे वाटप करून त्यांचा सन्मान करण्यात आला. सामाजिक संवेदनशीलता आणि कृतज्ञतेची भावना जपणाऱ्या या उपक्रमाचे उपस्थितांनी स्वागत केले.
यावेळी नगरसेवक राजेंद्र सोनवणे, अल्ताफ सय्यद, मुनिरभाई तांबोळी, फैय्याज शेख, जे. बी. आण्णा गावडे, पत्रकार संतोष जाधव, पत्रकार सुरज देवकाते, पिंटू गायकवाड, अभिजित पवार, गोविंद देवकाते, शहाजी कदम, मुकेश वाघेला, राजेश कांबळे, चंद्रकांत केंगार, ॲड. आकाश दामोदरे, प्रमोद डिंबळे, रघू चौधर, नितीन शेलार, राहुल मदने, सारिका ताई लोंढे, रसिका पंडित, विजया खोमणे, माजी महिला शहराध्यक्ष अनिताताई गायकवाड, उषा भोसले, सुलताना पठाण, निशा भिसे, प्रियांका मोरे, पूर्वा शेलार, सविता भोई यांच्यासह अनेक मान्यवर उपस्थित होते.
कार्यक्रमाचे नियोजन पिंकीताई मोरे युवा मंचाच्या कार्यकर्त्यांनी केले. अण्णाभाऊ साठे यांच्या समता, बंधुता आणि सामाजिक न्यायाच्या विचारांचा प्रसार समाजात सातत्याने व्हावा, असा संदेश यावेळी उपस्थित मान्यवरांनी दिला.
✍🏻मुख्य संपादक – सुरज देवकाते
