विद्यार्थ्यांचे गुलाबपुष्प देऊन स्वागत
संपादक : सुरज देवकाते
बारामती (दि:२१) : बारामती येथील राधेश्याम एन आगरवाल टेक्निकल इन्स्टिट्यूट व जुनिअर कॉलेज या ठिकाणी आंतरराष्ट्रीय योग दिन उत्साहात साजरा करण्यात आला. यावेळी इयत्ता पाचवी ते बारावी तसेच व्यवसाय अभ्यासक्रम असलेल्या विद्यार्थ्यांनी योगाची प्रात्यक्षिके केली.
यावेळी विद्यालयातील सर्व शिक्षक शिक्षिका व शिक्षकेतर कर्मचारी यांनीही योगाची प्रात्यक्षिके केली. प्रारंभी योगगुरू दीपाली शेळके यांनी धकाधकीच्या जीवनात आरोग्य आणि व्यायाम व तसेच यासाठी योगाचे महत्त्व प्रतिपादन करीत सर्व विद्यार्थ्यांनी नियमित योगासन करण्याचे आव्हान केले.यांनी विद्यार्थ्यांना योगाची प्रात्यक्षिके करून दाखवली व विद्यार्थ्यांनाही ती करण्यास प्रोत्साहित केले.यावेळी योगगुरू म्हणून नीलम शेळके, ऐश्वर्या शिंदे उपस्थित होत्या.
यावेळी प्रभारी प्राचार्य सतीश पाचपुते सर व पर्यवेक्षिका सौ. अलका चौधर यांनी गुलाब पुष्प देऊन त्यांचे स्वागत केले.आंतरराष्ट्रीय योग दिवस २०२६ हा एक महत्त्वाचा टप्पा आहे, या जागतिक उत्सवाचा १२ वा वर्धापनदिन आहे. २०२६ च्या आंतरराष्ट्रीय योग दिनाची अधिकृत थीम “निरोगी वृद्धत्वासाठी योग” (Yoga for Healthy Ageing) ही आहे. प्रभारी प्राचार्य सतीश पाचपुते सर यांनी आपल्या मनोगतात सर्वांगीण कल्याण आणि पर्यावरणीय सुसंवाद वाढविण्यात योगाची महत्त्वपूर्ण भूमिका अधोरेखित केली.कार्यक्रमाचे प्रास्ताविक अरविंद मोहिते यांनी केले तर आभार दत्तात्रय येडवे यांनी केले.
✍🏻मुख्य संपादक – सुरज देवकाते
