अखिल भारतीय ब्राह्मण महासंघ, बारामती शाखेचा उपक्रम; मान्यवरांकडून विद्यार्थ्यांना बहुमोल मार्गदर्शन
संपादक : सुरज देवकाते
बारामती, (दि. २२) : अखिल भारतीय ब्राह्मण महासंघ, बारामती शाखेच्या वतीने दहावी, बारावी तसेच विविध क्षेत्रात विशेष गुणवत्ता प्राप्त केलेल्या विद्यार्थ्यांचा सत्कार समारंभ रविवार (दि. २१) ज्येष्ठ नागरिक संघाच्या सभागृहात उत्साहपूर्ण वातावरणात संपन्न झाला. या कार्यक्रमाला विविध क्षेत्रातील मान्यवरांसह बारामती नगरपरिषदेच्या नगरसेविका सौ. अनुप्रिता डांगे यांची विशेष उपस्थिती लाभली.
कार्यक्रमाच्या अध्यक्षस्थानी संघटनेचे पदाधिकारी उपस्थित होते, तर प्रमुख पाहुणे म्हणून डॉ. संजय पुरंदरे यांनी विद्यार्थ्यांना यशस्वी वाटचालीसाठी मार्गदर्शन केले. यावेळी . उदय रानडे आणि अश्विनीकुमार पत्की यांनी विद्यार्थ्यांना करिअर, स्पर्धा परीक्षा आणि सामाजिक बांधिलकी याबाबत बहुमोल मार्गदर्शन केले.
कार्यक्रमात नगरसेविका सौ. अनुप्रिता डांगे यांनी विद्यार्थ्यांचे अभिनंदन करताना गुणवंत विद्यार्थ्यांचा सन्मान हा समाजाच्या प्रगतीसाठी प्रेरणादायी असल्याचे सांगितले. विद्यार्थ्यांनी शिक्षणासोबतच सामाजिक जाणीव जोपासून देशाच्या विकासात योगदान द्यावे, असे आवाहन त्यांनी केले. त्यांच्या उपस्थितीमुळे कार्यक्रमाला विशेष रंगत प्राप्त झाली.
✍🏻मुख्य संपादक – सुरज देवकाते
