वार्षिक पारितोषिक वितरण सोहळ्यास विद्यार्थी-पालकांची उत्स्फूर्त उपस्थिती
प्रतिनिधी : सुरज देवकाते
बारामती (दि:१२) दिवंगत उपमुख्यमंत्री अजितदादा पवार यांच्या जयंतीनिमित्त आयोजित करण्यात आलेला राज्यस्तरीय नॅशनल स्कॉलर सर्च परीक्षा २०२५-२६ मधील यशस्वी विद्यार्थ्यांचा वार्षिक पारितोषिक वितरण व गुणगौरव सोहळा बारामती येथील शहर राष्ट्रवादी कार्यालय, शारदा प्रांगण येथे उत्साहपूर्ण वातावरणात संपन्न झाला. या कार्यक्रमास विद्यार्थी तसेच त्यांच्या पालकांनी मोठ्या संख्येने उपस्थित राहून कार्यक्रमाची शोभा वाढवली.
राज्यस्तरीय नॅशनल स्कॉलर सर्च परीक्षेत उल्लेखनीय यश संपादन करणाऱ्या विद्यार्थ्यांचा यावेळी ट्रॉफी, प्रशस्तीपत्र आणि मेडल देऊन मान्यवरांच्या हस्ते गौरव करण्यात आला. विद्यार्थ्यांच्या यशाचे कौतुक करताना उपस्थित मान्यवरांनी त्यांच्या पुढील शैक्षणिक वाटचालीसाठी शुभेच्छा देत अधिक मेहनत घेऊन राज्य व देशपातळीवर यश संपादन करण्याचे आवाहन केले.
कार्यक्रमाच्या अध्यक्षस्थानी बारामती शहर राष्ट्रवादी काँग्रेस पार्टीचे शहराध्यक्ष किरण इंगळे, मा. महिला शहराध्यक्षा सौ. अनिता गायकवाड, सामाजिक कार्यकर्त्या रेहाना शेख, उपाध्यक्ष संतोष टाटिया, प्रमुख उपस्थिती म्हणून शिक्षक संघटना जिल्हाध्यक्ष (पुणे) भीममसिंग डुमरे, पत्रकार सुरज देवकाते, सोशल मीडिया अध्यक्ष अमोल लेंढे, पत्रकार मन्सूर शेख,पत्रकार साधू बल्लाळ उपस्थित होते.
कार्यक्रमात उपस्थित मान्यवरांनी विद्यार्थ्यांच्या गुणवत्तेचा गौरव करताना स्पर्धा परीक्षांचे महत्त्व अधोरेखित केले. अशा उपक्रमांमुळे विद्यार्थ्यांना प्रोत्साहन मिळून शैक्षणिक क्षेत्रात उत्कृष्ट कामगिरी करण्याची प्रेरणा मिळते, असे मत त्यांनी व्यक्त केले. कार्यक्रमाचे आयोजन विभाग प्रमुख बारामती सौ. मंदाकिनी ज्ञानेश्वर माने तसेच सामाजिक कार्यकर्त्या रेहाना शेख मॅडम यांनी केले होते. कार्यक्रमाच्या यशस्वी आयोजनासाठी सर्व सहकाऱ्यांनी परिश्रम घेतले. उपस्थित विद्यार्थी, पालक आणि मान्यवरांनी या उपक्रमाचे कौतुक करत आयोजकांचे अभिनंदन केले.
कार्यक्रम प्रसंगी सुनिता मोटे, उर्मिला मैत्री,रेश्मा ढोबळे,सुलताना पठाण,उषा भोसले, सोनाबाई काळे,प्रांजल भोसले यादी तसेच पदाधिकारी उपस्थित होते.
✍🏻मुख्य संपादक – सुरज देवकाते
